Հայաստանի գետերը
Հայաստանի Հանրապետության գետերը պատկանում են Արաքսի և Կուրի ավազաններին: Հայաստանի տարածքով հոսող ամենամեծ գետը Արաքս անդրսահմանային գետն է, որի երկարությունը 1072 կմ է: Հայաստանն ունի 10 կմ-ից ավելի երկարություն ունեցող 215 գետ: Այս գետերի մեծ մասը մշտական հոսք չունի և ամռանը չորանում է:
Հայաստանի գետերի խնդիրները
Հայաստանի գետերի հիմնական խնդիրներն են`
- Ջրային ռեսուրսի նվազում
- Ջրային ռեսուրսի հյուծում` ծանրաբեռնվածություն հիդրոէլեկտրակայաններով
- Գետերի աղտոտվածություն
- Գետային ձկնաշխարհի կորուստ
Ջրային ռեսուրսի նվազում
Կլիմայի փոփոխության մասին երրորդ ազգային հաղորդագրության համաձայն՝ կանխատեսվում է, որ Հայաստանի տարածքի ուսումնասիրված գումարային գետային հոսքը կնվազի մոտ 11.9%-ով մինչեւ 2030թ., 24%-ով մինչեւ 2070թ. եւ 37.8%-ով մինչեւ 2100թ.:
Մենք արդեն իսկ նկատում ենք գետերի ջրհոսքերի նվազում: Մասնավորապես, Հայաստանի ամենաջրառատ գետերից մեկի` Սևջուր (Մեծամոր) գետի ջուրն արդեն իսկ նվազել է: Սևջուր գետի ակունքների բնական աղբյուրների որոշ խմբեր անհետացել են,ինչը չափազանց կրճատել է Սևջուր գետի սնումը ակունքում:
Գրիգոր Բաբայան 